​ل ژێر چاڤدێریا ڕێڤەبەریا تەندروستی و سەلامەتیێ ل زانکۆیا زاخۆ و ب هەماهەنگی دگەل ڕێڤەبەریا بەرگرییا شارستانی، زنجیرە سمینارەکێن تیۆری و پراکتیکی ل دۆر چاوانیا سەرەدەریکرنێ دگەل ڕویدانێن ئاگری هاتنە ل دارخستن.
​ئەڤ چالاکیە ب مەبەستا بلندکرنا ئاستێ هشیاریا فەرمانبەر و قوتابیان و پاراستنا گیان و مالێ گشتی هاتە ئەنجامدان، کو تێدا ب شێوەیەکێ مەیدانی ڕێکێن دروست یێن ئاگرڤەمراندنێ هاتنە نیشانـدان.

سمینارا ئێکێ: ڕۆژا ئێکشەمبی، ڕێـککەڤتی (٢٠٢٦/٢/١٥) ل سەرۆکاتیا زانکۆیێ، دەمژمێر (١٠:٣٠) سپێدێ، هاتە پێشکێشکرن...
سمینارا دویێ: ڕۆژا سێشەمبی، ڕێـککــەڤتی (٢٠٢٦/٢/١٧) ل کۆلیژا پەروەردە، هاتە، پێشکێشکرن...

تەوەرێن سەرەکی یێن سمیناران:
• ​پشکێ تیۆری: شۆڤەکرنا ئەگەرێن پەیدابوونا ئاگری و جۆرێن ئاگرڤەمرێن دەستی.
• ​پشکێ پراکتیکی: ڕاهێنان ل سەر چاوانیا بکارئینانا ئامیرێن ئاگرڤەمراندنێ د دەمێ ڕویدانان دا.
• ​ڕێنمایێن سەلامەتیێ: چەوانیا قورتالبوون و پاراستنا گیانی د بارودۆخێن نائاسایی دا.
​تێبینی: ئەڤ جۆرە سمینارە گرنگیەکا مەزن ددەنە کێمکرنا زیانێن مادی و گیانی و ئامادەکردنا ستافێ زانکۆیێ بۆ هەر ڕویدانەکا ژ نیشکەکێ ڤە.